Kanningarnar av drunnhvíta Hydrobates pelagicus halda fram í 2024 | |||||
Tann fyrra myndin er av Ben Porter og tveimum av hansara ensku starvsfeløgum, sum gera kanningar í Urðini. Tann seinna myndin er av einari spikafeitari lundapisu, sum býr í einum av reiðurkassunum, sum eru gjørdir til drunnhvíta. Myndin er tikin av Ben Porter 28.07.2024, og tann 14. august búði lundapisan enn í reiðurkassanum. | |||||
______________________________________________________________ | |||||
Kanningarnar av drunnhvíta Hydrobates pelagicus halda fram í 2023 |
|||||
24.11.2023, var tann síðsti ungin í heimagjørdu reiðrunum í Urðini í Nólsoy farin. Nú verður spennandi at kunna fylgja teimum á teirra ferð komandi árini. |
|||||
Oktober/november 2023: Ein vaksin drunnhvíti vigar 26 g. í miðal. Tyngsti drunnhvítaungin í Urðini í Nólsoy í 2023 vigaði 54 g., tá foreldrini hildu hann vera nóg væl fyri, at kunna klára seg sjálvan. | |||||
______________________________________________________________ | |||||
![]() |
|||||
Nólsoy 09.09.2023. Fólkini eru frá vinstru: Jógvan Thomsen, Anne Ausems, Holland, Anna K. Znój, Polen, Rob Thomas, Wales, Zoe Deakin, Wales, Jade Philips, Wales, Jens-kjeld Jensen, Mark Bolton, Scotland og Ben Porter Wales. Tvey vanta á myndini: Sjúrður Hammer og Hannah Hereward, Wales. |
|||||
Í 2023 fekk Ben Porter fíggjarligan stuðul frá Granskingarráðnum í samstarvi við Umhvørvisstovuni til eina Phd verkaætlan í Nólsoy, har hann skal brúka reiðurkassar. Jens-Kjeld Jensen og Jógvan Thomsen bygdu kassarnar, og í tí sambandi hava fólkini á myndini verið í Nólsoy í summar. Anne Ausems hevur eisini enn einaferð eina minni verkaætlan í gongd við drunnhvítunum í bølinum í oynni. |
|||||
Teir 72 reiðurkassarnir hava fingið sera góða móttøku av drunnhvítunum, og bara nakrir fáir av teimum hava ikki fingið vitjan summarið 2023. | |||||
Fimm drunnhvítar fingu hvør sín GPS loggara festan á velið, og á myndini sæst, hvat tann eini av drunnhvítunum gjørdi, eftir at loggarin var festur á. Fyrst fleyg hann ein styttri túr í ein eystan, sum tók eitt døgn. So fleyg hann heim at geva pisuni, og tað tók umleið 10 minuttir. Síðan fleyg hann ein túr upp á 350 km. til Hetlands, og tað tók 2 døgn. Hann var sostatt á veingjunum í 3 døgn. | |||||
______________________________________________________________ | |||||
Kanningarnar av drunnhvíta Hydrobates pelagicus halda fram í 2022 | |||||
Nólsoy 22.08.2022: Fyrsti ungin, ið varð klaktur í einum av reiðurkassunum í ár, vigaði 4,8 g, tá hann var 2-3 dagar gamal. Á myndunum sæst Ben Porter viga ungan. | |||||
Les meira um drunnhvítakanningina longur niðri á síðuni. | |||||
______________________________________________________________ | |||||
Samstarv millum Umhvørvisstovuna og universitetið í Cardiff |
|||||
12. september 2022: Higartil eru 6 drunnhvítaungar klaktir í reiðurkassunum, umframt at 6 egg eru á veg at verða klakt. Fleiri egg kunnu enn verða vorpin í nøkrum av hinum reiðurkassunum. |
|||||
Hannah Hereward, Cardiff University. Lauren Evans, Scotland. Ben Porter, Cardiff University, Anne Ausems, Holland & Jens-Kjeld Jensen. | |||||
Rutan hjá drunnhvítanum. Beinleiðis 160 km. til Hetlands, har hann fiskaði fyrstu ferð. Aftan á 2 samdøgur og aftan á at hava flogið íalt 600 km., var hann aftur í reiðrinum og gav unganum. | |||||
Kanningararbeiði á staðnum | |||||
Drunnhvítaungi | |||||
Hvør ungi verður vigaður í sínum egna formi, sum bara verður brúktur til hann. Tað er fyri ikki at bera nakra smittu millum drunnhvítarnar í Urðini í Nólsoy |
|||||
Filmsbrot |
|||||
______________________________________________________________ | |||||
Suðuri í Dølum 16.10.2022 | |||||
Á myndini til vinstru, sum varð tikin 12. september, vigaði ungin 9 gram. Á myndini til høgru, sum varð tikin í dag - 16. oktober, vigaði ungin 41,5 gram. | |||||
Nólsoy 05.11.2022: Nú er tann seinasti drunnhvítaungin farin úr reiðurkassunum Suðuri í Dølum. Tann 01. november vigaði ungin 42,3 g, so vónandi vinnur hann vegin fram til Suðurafrika. |
|||||
Gáva frá Ýr Ákadóttir | |||||
Jens-Kjeld Jensen & Ýr Ákadóttir | |||||
21.08.2022 fingu vit vitjan av einum av okkara allar bestu kunstnarum, fittu Ýr, sum kom við eini so flottari gávu til okkum. Málningurin er av einum stara og einari álku, og sum Jens-Kjeld eisini segði, so var hetta helst fyrstu ferð, at hann hevði sæð ein málning, har farvutónarnir í tí hvíta í bringuni á álkuni sóust. |
|||||
Ýr Ákadóttir er sera dugnalig, og tað er ein fragd at síggja, hvussu nærløgd hon er, tí hon fær allar detaljurnar við. Vit gleða okkum at síggja, hvat fer at koma undan hennara hondum framyvir | |||||
Dokumentarsending um Jens-Kjeld í 2 pørtum. | |||||
Upptøkurnarnar eru frá juni, sendar í Kvf november 2021 | |||||
________________________________________ | |||||
________________________________________ | |||||
Ein spennandi urtagarður mitt í Nólsoyarbygd | |||||
Kanning av drunnhvíta Hydrobates pelagicus | |||||
Anne Ausems, Alexandra Fink & Ben Porter 04.09.2021 |
|||||
Sum øll onnur børn skal drunnhvítaungin vigast og mátast, og 04.09. vigaði ungin 24,7 g |
|||||
Ein bólkur av granskarum úr Wales, Hollandi og Týsklandi hava saman við Jens-Kjeld Jensen og Jógvan Thomsen síðan tíðliga í summar 2021 verið í Nólsoy og kannað drunnhvítan. Hetta eru fleiri undanverkætlanir (pilotprojekt), sum m.a. eftir ætlanini helst skulu enda við at lýsa, hvar drunnhvítin finnur sína føði, um hann verður ávirkaður av ljósunum við aliringarnar og møguligum komandi havvindmillulundum. |
|||||
Dagføring 16.09.2021 | |||||
Tá ungin varð vigaður 04.09.2021, var hann umleið 14 dagar gamal, og tá vigaði hann 24,7 g. Tá Anne Ausems vigaði hann aftur 16.09.2021, vigaði hann 37,2 g. | |||||
Ben Porter, Nólsoy 26.07.2021 | |||||
Ben Porter er í Føroyum í sambandi við hansara undanverkætlan um ljósdálking frá aliringum, hvørja ávirkan teir hava á fuglin og so framvegis. Í tí sambandinum setur hann GPS loggarar á nakrar drunnhvítar og møguliga eisini skrápar fyri at kanna, hvar teir leita eftir føði. |
|||||
Undanverkaætlanin savnar seg um at fáa kannað, hvussu drunnhvíti og skrápur verður ávirkaður av ljósdálking í Norðureysturatlantshavinum, hvussu økini, har teir leita eftir føði umskarast við menningini til havs, og um - ella hvussu fuglurin tilpassar seg alivirksemi. |
|||||
Johan Henrik Funder Castenschiold & Jens-Kjeld Jensen, Tórshavn 13.06.2021 | |||||
Johan Henrik Funder Castenschiold er í Føroyum í sambandi við hansara undanverkætlan at telja nátar, ternur og mýrisnípur við dronu. Hansara undanverkætlan er grundarlagið fyri hansara Phd ritgerð, sum hann eftir ætlanini skal byrja við komandi summar. |
|||||
MÚS VIÐ STÓRLÆTISØRSKAPI | |||||
![]() ![]() ![]() |
|||||
Nólsoy 04.07.2020: Tá vit funnu hetta stóra holið, sum máldi umleið 10 cm í tvørmáti, vóru vit ikki í iva í, at tað antin var ein rotta ella ein minkur, sum hevði sett seg niður beint sunnan fyri bygdina í Nólsoy, tí alt grasið var traðkað niður framman fyri holið. Rottuklappfellan var tømd fleiri dagar á rað, og hon varð eisini smekkað saman fleiri ferðir; men aftaná 5 dagar eydnaðist tað okkum umsíðir at fanga hesa lítlu músina við tíðiligum stórlætisørskapi í eini vanligari músafellu, sum varð løgd oman á eina rottufellu. | |||||
Anne Ausems, Tórshavn 28.07.2019 | |||||
![]() |
|||||
Fantastiska gløggi og dugnaligi granskarin Anne Ausems var í Føroyum í bæði 2018 og 2019, og longu nú hevur hon skrivað eina grein, har hon samanber hamskifti millum 2 føroysk sløg av drunnhvíta við 2 sløg úr Antarktis. Hetta er eitt gott dømi um, hvussu umráðandi og gagnligt tað er at samstarva við útlendskar granskarar |
|||||
Sophie Blohberger & Jens-Kjeld Jensen, Tórshavn 13.05.2018 | |||||
![]() |
|||||
![]() |
|||||
![]() ![]() ![]() |
|||||
Eysturríska Sophie Blohberger skrivar sítt Master Thesus um føroyskan mat gjøgnum tíðirnar, og um hvussu hann ávirkar okkara samleika - ella identitet. | |||||
HIN SÍÐAN AV SØGUNI ... | |||||
19.02.2017 | |||||
Nógvir fjølmiðlar koma til Føroya, og teir, ið lýsa landið sum eina spegilsmynd, eru sum oftast bílagdir av okkara ferðavinnu. Teir, ið koma av sær sjálvum, fara ikki bara til tey kendu plássini, men leita eftir dagførdum tilfari til teirra sendingar, og tí fara teir eisini út í krókarnar og tosa við vanlig fólk, sum ikki stinga í sekkin, men siga teirra erligu meining. Her er tað feskasta dømi |
|||||
Stuttfilmur um Jens-Kjeld, framleiddur av Maxime og Francois Tornier |
|||||
HEILSAN FRÁ NÆMINGUM Í LEGO KINGDOM, SALTANGARÁ 16.09.2016 | |||||
Jens-Kjeld hevur fingið nógvar heiðursgávur og heiðursbrøv gjøgnum árini; men hetta er so nógv tann fittasta heilsanin, hann nakrantíð hevur fingið, og hana fekk hann frá einum flokki úr Saltangará, sum vitjaði hann fríggjadagin 16.09.2016. Haldi ikki J-K veruliga fataði heiðurin, fyrr enn flokkurin var farin avstað aftur, so túsund takk til Helenu, Trygva, Tórur, Svend Davi, Jóel, Sigurð og Harry. |
|||||
Her kunnu tit síggja, hvat næmingarnir í Lego Kingdom fingu burtur úr teirra Nólsoy expedition |
|||||
KANNING AV FERÐAFUGLI Í NÓLSOY |
|||||
Nólsoy 12.09.2016 | |||||
Katherine Rachel Scotchburn Snell er lívfrøðingur og PhD.-lesandi á Statens Naturhistoriske Museum í Keypmannahavn. Hon hevur áhuga í fysiologiini hjá ferðafugli – hvussu hann ávirkast av at flúgva millum lond, hvussu stressaður hann verður av tí o.s.f. Rebecca C. Young, somuleiðis lívfrøðingur og postdoc í UNAM, Mexico, er við í Nólsoy og hjálpir Katherine við at fanga ferðafuglarnar og at savna saman tilfar til kanningina. | |||||
___________________________________________ |
|||||
Les greinina: Integrating orientation mechanisms, adrenocortical activity, and endurance fight in vagrancy behaviour ![]() |
|||||
NÁTAUNGAKANNINGAR Í NÓLSOY |
|||||
![]() |
|||||
Åse & Bjørn Herrmann | |||||
![]() ![]() |
|||||
Nógvir útlendskir granskarar koma til Nólsoyar | |||||
Fyri 17 árum síðani var Bjørn Herrmann í Nólsoy, tá nólsoyingar tóku nátaungar. Hann vildi kanna, um nátasjúkan var viknað. Hann fór út saman við nólsoyingunum, so hann kundi taka royndirnar á staðnum. |
|||||
Í august 2016 hevur Bjørn Herrmann aftur verið í Nólsoy saman við konu síni og Patrik Ellstrøm, sum eisini er mikrobiologur. Hesu ferð vilja teir kanna nátaungarnar fyri Campylibactor, fuglakrím og nátasjúku. | |||||
Tað verður spennandi at fáa at vita, hvat úrslitið verður av teirra kanningum. | |||||
Vit takka Virgar Joensen, Marnar á Skúr og Juul Margeir Jacobsen fyri at teir tímdu at hava sviarnar við á teirra bátum. | |||||
Les grein frá 2006 um nátasjúku Chlamydophila psittaci í føroyskum nátaungum |
|||||
12.07.2015 | |||||
Eitt nýtt ættarlið av Sibenbürgen høsnum hevur sæð dagsins ljós | |||||
![]() |
|||||
![]() |
|||||
Okkara høsnarhús í Nólsoy | |||||
Ein av okkara høsnarungum í juli 2017 | |||||
POLITISK LÍKASÆLA, SO TAÐ FORSLÆR! | |||||
![]() |
|||||
Hóast lundin ikki hevur fingið nakra pisu seinastu 13 árini, er eingin politiskur meiriluti fyri at friða lundan | |||||
Lesið sera áhugaverdu greinina hjá Sjúrði Hammer og Jens-Kjeld Jensen ![]() |
|||||
Gáva frá Dawid Kilon | |||||
Hesa fantastisku tekningina hava vit fingið frá pólska lívfrøðinginum Dawid Kilon, og hann hevur sjálvur teknað hana. | |||||
Vitja hansara blog á: rysunekprzyrodniczy.blogspot.com |
|||||
NÓLSOYAR FORNMINNISFELAG 30 ÁR | |||||
Í ár eru liðin 30 ár, síðan Nólsoyar Fornminnisfelag varð stovnað, og øll hesi árini hevur Anna Juul Thomsen verið ein tann hollasti stuðulin. Uttan eldsálir sum Onnu, høvdu Húsini við Brunn ikki verið til longur; tí verður hon heiðrað við eini hátíðarløtu leygardagin. | |||||
Øll eru hjartaliga vælkomin! | |||||
Tekning hjá Óla P. í Sosialinum 14.03.2014 |
|||||
Nólsoy varð Ramsar øki 06.07.2012 og sambært Jens-Kjeld eru ketturnar størsta hóttanin - men tað er væl at merkja aftan á menniskjað! | |||||
Ramsarfundur verður í Nólsoy 01.04.2014 |
|||||
Nólsoy er Ramsar øki | |||||
![]() |
|||||
Í nýggja føroyska ringmerkingaratlassinum verður staðfest, at ein stórur partur av ringmerktu drunnhvítunum verður dripin av kettu. Nólsoy húsar størsta bølinum av drunnhvítum í Norðuratlantshavi og er tí vorðið Ramsar øki. Av somu orsøk er grannastevnuuppskot viðvíkjandi eftirliti av kettum sent sýslumanninum, sum støða skal takast til á komandi grannastevnuni 07. mars 2014. | |||||
Vónandi verður hetta til gagns fyri bæði ketturnar og teirra eigarar, fyri ikki at tala um fuglalívið í oynni. | |||||
Dagføring: Grannastevnuuppskotið varð viðtikið á Grannasetevnu, hildin í Nólsoy 07.03.2014 | |||||
Trøllflogmús Pipistrellus nathusii funnin í Nólsoy 16.01.2010 | |||||
16. januar 2010 fann Mikkjal Holm eina hálvdeyða trøllflogmús hangandi á vegginum úti á Matvørubúðini hjá Hervør Hansen í Nólsoy. Talan var um ein hann, sum einans vigaði 5.5g. Hetta er tann næsta trøllflogmúsin, sum nakrantíð funnin í Føroyum í januar mánaði, hin var funnin í Sumba 09.01.1992. | ![]() |
![]() |
|||
Flogmýs eru fráboðaðar í Føroyum alt árið við undantaki av apríl mánaði, so kanska skulu vit til at rokna flogmýsnar upp í flytifuglarnar og bert knýta "mús" í endanum av navninum. | |||||
Nólsoyingar skutu haru 07. november 2009 |
|||||
![]() |
|||||
Í 2009 var árligi harudagurin tann 07. november. Vit 22 mans møttu kl. 08 við brandstøðina, sum vanligt. Veðrið var tá av tí allarbesta, men longu kl. 09.30 fullu fyrstu droparnir av himni, og hálvan tíma seinni var herviligur ælingur. Klokkan 12.30 klárnaði, og tá øtlaði hann vindin frá landnyrðingi; men hóast hesi keðiligu veðurlíkindi vórðu 50 harur skotnar í 99 skotum. Búgvi Jacobsen var besti skjútti við 7 harum í 7 skotum. |
|||||
Við byrsu í Nólsoy |
|||||
Nólsoyingar skjóta bakskurar á hvørjum ári til matna, og óvanliga nógvir vóru at síggja teir seinastu 14 dagarnar í september 2007. Tann 25. sep. skutu Ivan og Mikkjal Holm 64 bakskurar tilsamans, og tað má verða nakað av tí mesta, ið nakar hevur skotið eftir bert einum degi í Nólsoy. |
|||||
Summarið 2006 ferðaðist teknarin Olivier Kugler til Hetlands, Føroyar, Ísland og USA og endaði ferðina á Cuba. Meðan hann var í Føroyum, teknaði hann nakrar framúrskarandi tekningar úr millum annað Hattarvík og Nólsoy, sum hava staðið á prenti í The Guardian. Tilsamans ber til at blaða millum 32 síðir á hesi slóðini: http://www.olivierkugler.com/travel/ Minst til at trýsta F11 knøttin inn á knappaborðinum, so pílarnir niðast á telduskíggjanum til vinstru til at blaða millum ørkini við, gerast sjónligir. |
|||||
Nólsoyingar skutu haru 22. november 2008 | |||||
![]() |
![]() |
![]() |
![]() |
||
Í 2007 var árligi harudagurin tann 03 november. Veðrið var av tí allarbesta. 27 mans luttóku og tilsamans vórðu 69 harur skotnar. Í miðal vóru 3 skotin latin av fyri hvørja haru, og besti skjútti var Mikkjal Holm, sum fekk 4 harur í 4 skotum. Harurnar vigaðu 2758 g í miðal, og tann tyngsta var ein hon, sum vág 3275 g. | |||||
Nólsoyingar sigu eftir nátaungum 19. august 2005 |
|||||
NÁTATÍÐINDI ÚR NÓLSOY
|
|||||
Tann
19. august 2005 sigu nólsoyingar eftir nátaungum á Grønadalsrók og
Skirisvølli. |
|||||
Jens-Kjeld Jensen, fuglaútstappari, Nólsoy. |
|||||
Sýnið úr køksvindeyganum um kl. hálvgum sjey á kvøldi |
|||||
![]() |
|||||
Summarið er komið |
|||||
|
|||||
Vetrarmyndir úr Nólsoy |
|||||
|