03.2001

RINGMERKINGARFRÁBOÐANIR

við Jens-Kjeld Jensen, fuglaútstappara, Nólsoy.

Tjaldursungi merktur 14.7.1981 á Sandi. Funnin deyður í Søltuvík 5.7.2000.

Drunnhvíti merktur 10.8.1988 norðuri á Boða, Nólsoy. Fráboðaður av manningini um borð á einum sponskum fiskibáti á leiðini út fyri Sahara (15 N - 20 W) 17.5.97.

Lómaungi merktur 14.7.1999 í Efri-Sýrlækur, Flói, Ísland. Skotin av óvart nær Borðoy 6.1.2000.

Gamalt tjaldur merkt 23.3.1996 í Wig, nær Bangor, Wales. Funnið í hafti í Sumba 14.7.00.

Gomul álka merkt 19.7.1981 á Grímsey, Ísland. Skotin 10 míl eystan úr Nólsoynni 5.11.1999.

Gamalt tjaldur merkt 21.1.1989 nær Fort George, Scotland. Loyst úr hafti og fráboðað úr Sandvík 4.8.2000.

Gamalt tjaldur merkt 20.12.1998 í Whiteness Head, Scotland. Funnið deytt í hafti í Akrabyrgi 6.7.2000.

Gamal tjaldur merkt 20.12.1998 í Whiteness Head, Scotland. Doyði eftir at hava flogið á í Hósvík 8.8.2000.

Gamal tjaldur merkt 19.11.1994 í Gordon´s Mill, Udale Bay, Scotland. Loyst úr hafti á Viðareiði 31.7.2000.

Mynd: Suðurhavsskúgvur, fangaður við Flemmish Cap.

Myndatakari: Jens-Kjeld Jensen.

Tað verður vanliga havt á munni, at av øllum flytifuglum er ternan tann, ið ferðast longst millum bølini í norði og vetrarvistið við Arktisku havleiðirnar.

Men teir ungu suðurhavsskúgvarnir eru ikki verri fyri enn ternan, í so máta. Hetta prógvaði manningin um borð á Arctic Viking, tá teir fangaðu ein ringmerktan suðurhavsskúgva á Flemmish Cap tann 1. oktober 2000. Tað vísti seg, at suðurhavsskúgvin var ringmerktur sum pisa 25. januar í 1997, nær Station Jubany á South-Shetland-Islands, sum liggja í 12264 km. fjarstøðu frá Flemmish Cap. Bert hendinga fráboðan er komin úr Norðanlondum um ringmerktan suðurhavsskúgva, men ein annar suðurhavsskúgvi var skotin í firðinum í Nuuk juli 1975, hesin var ringmerktur sum pisa januar sama ár á Anvers Island, sum liggur í 15.000 km. fjarstøðu frá Nuuk.

Fyrstu ferð, fólk vóru varug við suðurhavsskúgva á norðaru jarðarhálvuni var, tá ein var skotin í Føroyum í september 1889.