04.2000

RINGMERKINGARFRÁBOÐANIR

við Jens-Kjeld Jensen, fuglaútstappara, Nólsoy.

2 ára gamalt tjaldur ringmerkt 5.10.1986 í Inverness, Skotlandi. Funnið deytt í Vági, Suðuroy 15.8.1998.

Ferðafalkaungi merktur í reiðrinum 12.7.1999 í Norrbottens Län, Svøríki. Fangaður og fráboðaður á Nólsoyarbanka 14.9.1999.

Àlkupisa merkt 14.7.1996 í Látrabjarg, Ísland. Skotin eystan úr Nólsoynni 6.11.1999.

Lomvigarpisa merkt 28.6.1998 nær Sumburgh, Hetland. Skotin í Vestmannasundi 5.1.1999.

Lomvigarpisa merkt 1.7.1998 nær Sumburgh, Hetland. Skotin í Vestmannasundi 5.1.1999.

Gamal músabróður fangaður í Helgolandsfelluni í Nólsoy 14.10.1995. Fangaður aftur sama stað 16.9.1999.

Drunnhvíti merktur 30.8.1998 á Fair Isle. Fangaður og sleptur aftur Suðuri í Dølum í Nólsoy 31.7.1999.

Drunnhvíti merktur 18.8.1986 nær Ulsta, Yell, Hetland. Fangaður og sleptur aftur Suðuri í Dølum 31.7.1999.

Valmásaskuri merktur 1.7.1999 nær Søyla á Jan Mayen. Skotin í Árnafirði 1.10.1999.

Lomvigarpisa merkt 4.7.1999 á Isle of Canna, Skotland. Skotin í Hvannasundi 22.11.1999.

Mynd nr. 1: Starabøga.

Myndatakari: Jens-Kjeld Jensen

Mynd nr. 2: Starasteggi.

Myndatakari: Jens-Kjeld Jensen

Tá ið ein ringmerkir fugl, ræður tað um at vita mest møguligt um fuglarnar, ein fæst við. Hvussu gamal er fuglurin? kyn, og so framvegis. Ofta kunnu smáu sereyðkennini hjá tí einstaka fuglinum hava stóran týdning, sum tað eisini sæst á teimum báðum myndunum omanfyri. Til dømis er lithinnan (iris) hjá starabøguni ljós, meðan lithinnan hjá starasteggjanum altíð er brún. Tá eg nú veit tað, havi eg ongan trupulleika við at kynsbýta stararnar. Annars hevur tað víst seg, at bøgur og steggjar av sama fuglaslagi ikki altíð hava sama ferðamynstur. Til dømis hava 90 % av lítlu válmásunum sum eg havi sæð verið bøgur. Og hyggja vit at kvørkveggjunum á vetri, eru flestu teirra steggjar!