05.1999

RINGMERKINGARFRÁBOÐANIR

við Jens-Kjeld Jensen, fuglaútstappara, Nólsoy.

Valmásaskuri ringmerktur 10.7.1998, Kap Kolthoff, Bjørnøya. Skotin 115 míl í ein útnyrðing úr Mykinesi 27.10.1998.

Valmásaskuri ringmerktur 12.7.1998 í Glupen, Bjørnøya. Skotin millum Fugloy og Viðoy 24.12.1998.

Valmásaskuri ringmerktur 10.7.1998 í Kapp Kolthoff, Bjørnøya. Skotin 6 míl sunnan úr Mykinesi 5.11.1998.

Valmásaskuri ringmerktur 7.7.1998 í Revdalen, Bjørnøya. Fleygaður 86 míl vestan úr Mykinesi 7.11.1998.

Álka ringmerkt sum verpingarfuglur 11.7.1982 á Grímsey. Skotin 12 míl í ein landssynning úr Skorðuni á Borðoy 5.12.1998.

Álkupisa ringmerkt 11.7.1982 á Grímsey. Skotin 14 míl eystan úr Sandoy 8.1.1999.

Álka ringmerkt sum verpingarfuglur 27.7.1994 á Grímsey. Skotin millum Fugloy og Viðoy 24.12.1998.

Álkupisa ringmerkt 28.6.1998 á Fair Isle, Scotland. Skotin nær Svínoy 15.12.1998.

Lomvigarpisa ringmerkt 21.6.1998 á Fair Isle, Scotland. Skotin í Vestmannasundi 14.11.1998.

Lomvigarpisa ringmerkt 1.7.1998 á Sumburgh, Shetland. Skotin eystan úr Nólsoy 10.11.1998.

Nú er summarið farið at halla. Og eisini í ár hevur ymiskt verið at sæð. Tað áhugaverdasta er óivað tað, at tvey pør av fjørustelkum hava verið at sæð í Kollafirði, og helst hevði annað parið enntá ungar. Fyrra árið var bert eitt par har. Hetta er aðru ferð, vit vita um, at fjørustelkur hevur vorpið í Føroyum.

Ein annar sera sjáldsamur gestur, ein brandstari, er eisini sæddur á Viðareiði. Annars skulu vit so langt eystur sum til Svarta havið, áðrenn brandstari kann kallast vanligur. Eg eri sera áhugaður í eini fráboðan - helst við eini mynd - skuldi onkur annar verið so heppin at sæð henda fugl.

Tekstur: Fjørustelkur