við
2 ára gamalt tjaldur
merkt 23.3.1996 á leiðini nær Wig, Gwynedd, Wales. Funnið deytt nær við hvalba 4.11.1998.
Nátungi merktur 2.8.1993 á Eday, Orkney.
Skotin norðan úr Nólsoynni 6.10.1998.
Álkupisa merkt 14.7.1996 í Látrabjarg
(Stórurð), V-Borð, Ísland. Skotin 6 míl í ein landssynning úr Skoruni á Borðoy
24.10.1998.
Lomvigarpisa merkt
24.6.1997 á Fair Isle, Scotland. Skotin sunnan úr Vágoynni 5.10.1998.
Lomvigarpisa merkt
24.6.1997 á Great Saltee Island, Wexford, Írland. Skotin út fyri Vág í Suðuroy
12.10.1998.
Drunnhvíti merktur
19.8.1998 í Trøllhøvda. Fráboðaður úr Nólsoy 25.8.1998.
Drunnhvíti merktur 1.8.1997 nær við
Lindenes Fyr, Lindenes, Norge. Fráboðaður úr Nólsoy 26.8.1998.
Nátungi merktur 27.8.1993 norðan úr
Viðoynni. Skotin 10 míl í ein útssynning úr Sandoynni 9.1.1999.
Drunnhvíti merktur 3.8.1997 Suðuri í
Dølum, Nólsoy. Fráboðaður
av Fair Isle 8.8.1998.
Tekstur til myndina: Jarntítlingur
Myndatakari:
Tað var ikki tað heilt stóra, ið var at
síggja av fremmandum fuglum í apríl mánaða í ár, men her eru nakrir av teimum.
Jarntítlingurin, sum er avmyndaður til
hesa greinina, var ringmerktur í Nólsoy 5 apríl, og ein annar var funnin
yvirkoyrdur í Tórshavn síðst í mánaðinum.
Tann 6 apríl fleyg ein snjóhvítur
veiðifalkur yvir Nólsoyar bygd.
Frá um miðjan apríl, og mánaðin út, helt
ein sevhøna til í Vágsbotni í Tórshavn.
Óvanliga stórir flokkar av barrígðum vóru
sæddir í seinru helvt av mánaðinum. Ein flokkur, ið taldi 6, var í Nólsoy, og
ein flokkur við umleið 15 var á Sandi.
Ein fagurígða (dk. Stillits),
sædd í Vági, má sigast at verða ein sera sjáldsamur gestur her á landi, meðan
ein seglantarsteggi við Strendur tykist verða vorðin ein alt meira vanligur
gestur hesi seinnu árini.
Tær báðar brimenturnar, bøgan og steggin í
kirkjubø, mugu nú roknast at verða fastbúgvandi her á landi. Og lat okkum so
ikki gloyma æðukongin, sum hevur verið búsitandi við Morskranes tey seinastu 21
árini.
Hvussu hevði verið, at gjørt eina
sunnudagsútferð, og sæð hesar síðstu tríggjar dunnunar?