01.1999

 

RINGMERKINGARFRÁBOÐANIR

 

við Jens-Kjeld Jensen, fuglaútstappara, Nólsoy.

 

Likkuskuri merktur 7.7.1993 á Surtsey, Vestmannaoyggjunum. Skotin eystan úr Nólsoynni 18.4.1998.

Lomvigarpisa merkt  29.6.1997 á Fair Isle, Skotlandi. Skotin við Svínoy 6.1.1998.

Lomvigarpisa merkt 6.7.1994 í Sumburgh, Hetlandi. Skotin eystan úr Nólsoynni  23.11.1997.

Lomvigarpisa merkt 30.6.1997 nær Sumburgh, Hetlandi. Skotin á leiðini 20 míl eystan úr Eystnesi 11.11.1997.

Lomvigarpisa merkt 26.6.1997 á Isle of May, Skotlandi. Skotin nær Vágoy 15.10.1997.

Likka merkt 12.8.1996 í Nólsoy. Bleiv eygleidd við kikara og fráboðað úr Tórshavn 14.7.1998.

Likkuskuri merktur 16.6.1991 á Glyvursnesi. Fráboðaður úr Tórshavn 23.7.1998.

Staraungi merktur 1.7.1997 í Nólsoy. Var loystur úr hafti á Eiði 18.8.1998.

Likkuskuri merktur 7.7.1989 í Húsadali, Depli. Skotin á Signabø 3.8.1998.

Gomul terna merkt 30.6.1987 í Hattarvík. Funnin deyð í Hattarvík 8.8.1998.

Óðinshani merktur 3.4.1997 í helgolandsrúsuni í Nólsoy. Funnin deyður á Hvolsvøllur, Rang. Íslandi 3.7.1998. Hetta er fyrsta útlendska fráboðanin um føroyskt merktan óðinshana.

Rita merkt 12.3.92 um borð á Norðberg norðan úr Viðoynni. Druknaði á eini línu 11 míl norðan úr Víðoynni 20.3.1998.

Nátungi merktur 4.9.1993 10 míl í ein landsynning úr Svínoynni. Fleygaður í Nólsoy 17.4.1998.

Nátungi, bøga, merkt 31.7.1994 nær Ulsta á Yell, Hetlandi. Fleygað á Viðareiði 19.9.1998.

 

Hesir útlendskt ringmerktu fuglarnir vóru fráboðaðir úr Føroyum í 1998.

    

     Slag:                                                              UK              Norra               Ísland            Týskland               

    

     Náti                                                                  3                      -                        3                          2               

     Drunnhvíti                                                    16                      3                         -                          -               

     Tjaldur                                                           10                      -                        -                          -               

     Likka                                                                1                      -                        1                          -               

     Valmási                                                           -                      9                        -                          -               

     Rita                                                                  1                      3                        -                          -               

     Lomvigi                                                         10                      -                        -                          -               

     Álka                                                                  3                      -                        3                          -               

     Lundi                                                               1                      1                        -                          -

     9 sløg.                                                           45                   16                        7                          2                                                                               

                

 

Sum sæst á listanum omanfyri, eru rættiliga fáir útlendskt merktir fuglar fráboðaðir úr Føroyum síðsta ár. Eg vil tí enn eina ferð heita á fólk, um at senda ein og hvønn ring inn sum tey finna, so fuglurin verður fráboðaður á rætta staðnum. Náttúrugripasavnið og so eg sjálvandi, taka framvegis fegin ímóti fráboðanum um ringmerktan fugl. Um fólk annars hava hug sjálvi at senda ringin víðari, kunnu tey senda fráboðanina til tað landið, hvar fuglurin var merktur. So alt ber til.

 

Mynd: Hetta er tann fyrsti uglubóndin, sum nakrantíð er ringmerktur í Føroyum. Jacob E. Jacobsen fangaði hann á Munkagrunninum 17. nov. 1998, meðan teir fiskaðu har. Jacob E. gøddi og røkti uglubóndan fyrimyndarliga, so hann var væl í holdum, tá hann kom til Nólsoyar fyri at verða ringmerktur. Hann var sleptur úr Nólsoy 21. nov.

 

Myndatakari: Marita Gulklett.