12.2004

RINGMERKINGARFRÁBOÐANIR

við Jens-Kjeld Jensen, fuglaútstappara, Nólsoy.

Gamal lundi merktur 29.071990 í Tindhólmi. Drigin aftur sama stað 28.05.2004.

Lundapisa merkt 02.08.2000 í Borðutorvu, Bøur. Fleygað í Streymnesi, Gásadali 08.07.2004.

Lundapisa merkt 22.07.1997 í Settorvu, Viðareiði. Fleygað aftur sama stað 14.06.2004.

Lundapisa merkt 22.07.2000 Úti í Rók, Trøllanes. Fleygað aftur sama stað 10.07.2004.

Lundapisa merkt 25.07.2000 í Settorvu, Viðareiði. Fráboðað (ikki dripin) aftur úr sama stað 30.06.2004.

Gamal náti merktur 16.02.2004 á leiðini eystan úr Nólsoy. Funnin deyður nær Simonsberg, Schleswig-Holstein, Tyskland, 24.08.2004. Hetta er ein fjarstøða á 1210 km frá, hvar hann var merktur 6 mánaðir frammanundan.

Gamal náti merktur 28.5.1997 í Eynhallow, Orkney. Fleygaður sunnan úr Føroyum 15.6.2004.

Likkupisa lit-ringmerkt 20.7.1998 Norðurkot, Kjalarnes, Ísland. Fráboðað aftur av leiðini Føroya Banki tann 11.5.2004.

Likkupisa lit-ringmerkt 20.7.1998 Norðurkot, Kjalarnes, Ísland. Fráboðað aftur av leiðini sunnan úr Vágoy 13.7.2004.

Myndatakari: Jens-Kjeld Jensen.

Film nr. 56 og sidste foto “silkehale”

Mynd: Mynd: Ein av fremmandu reyðstapunum, sum doyði her.

Í heyst hava nógvir reyðstapar verið at sæð. Sum helst øll munnu vita nú, so flúgva hesir fuglar út frá har teir hoyra heima, í leitan eftir føði. Tíverri venda fáir av teimum heim aftur fyrst og fremst, tí teir eru illa fyri, áðrenn teir koma higar til lands – hvar so ikki er nógv hjá teimum at eta, og so, tí at teir skulu flúgva yvir hav, bæði á veg út, og so fyri at koma heim aftur.

Nakrir av teimum endaðu, sum hesin á myndini - á mínum verkstaðsborði, við stáltrái í beinunum og fyltir við træull.

Tíbetur doyggja ikki allir reyðstapar, ella fuglar, sum flúgva av leið. So her eru nøkur onnur góð dømi:

Ein reyðstapi, ringmerktur 03.11.1974 í Heacham, Norfolk, Onglandi, var dripin av eini kettu í Kirs, Russlandi 27.10.1977. Kirs liggur 3274 km. frá Heacham.

Ein annar reyðstapi, ringmerktur 03.11.1974 í Heacham, Norfolk, Onglandi, var funnin deyður í Ørebro, Svøríki 06.12.1975. Ørebro liggur 1137 km. frá Heacham.

Ein helsut trøllont (verpur í USA), sum var ringmerkt 07.09.1967 í New Brunswick, Canada, var skotin nær við Llangorse Lake, Powys í Onglandi 26.12.1967 eftir at hava flogið 4505 km.

Ein onnur helsut trøllont, sum var ringmerkt 01.03.1977 í Slimbridge, Cloucestershire, Onglandi, var skotin í Angmagssalik 19.05.1977. Honn hevði tá verið a flogi 2584 km., og alt bendir á, at hon var á veg tvørtur um Grønland, á veg heim aftur at verpa í USA.

Ein svala, ringmærket 06.05.1911 í Cheadle, Staffordshire, varð fangað 23.12.1912 nær við Utrecht, Suðurafrika, eftir at hava flogið 9503 km.

Og at enda var ein feigdarsveimari, sum var ringmerktur 08.08.1973 í Dronfield, Derbyshire, Onglandi, funnin deyður 31.12.1976 í Masasi, Tanzania. Hetta er 8108 km frá, hvaðani hann var ringmerktur.