11.2004

RINGMERKINGARFRÁBOÐANIR

við Jens-Kjeld Jensen, fuglaútstappara, Nólsoy.

Tjaldur merkt 16.11.1996 í Glamorgan, Wales. Funnið deytt í Sumba 30.7.2003.

Lundapisa merkt 24.6.1999 í Isle of May, Scotland. Skotin umleið 12 míl eystan úr Nólsoy 19.12.2003.

Gamal lundi merktur 24.7.1979 í Sule Skerry, Orkney. Skotin í Vestmannasundi 14.1.2004.

3 svanaungar merktir 16.10.2003, Geirastaðir, Mývatn, Ísland. Fangaðir í Vatnsoyrum 20.11.2003. Tann fyrsti doyði, meðan hann var í røkt tann 21.11.2003, tann næsti var skotin í Viðarlundini í Havn 18.8.2004, meðan tann triði rýmdi og varðveitti tískil helst lívið.

Ungur smyrlasteggi merktur 3.10.2002 í Streymoy. Funnin deyður í County Sligo, Ireland (54.14N-9.30W) umleið tann 15.12.2002.

Gomul rita merkt 23.3.1995 12 míl norðan úr Viðoy. Fleygað aftur nærum sama stað 25.3.2004.

Gomul álka merkt 22.7.1994, Látrabjarg, Ísland. Skotin í Vestmannasundi 10.1.2004.

Skúgvapisa merkt 15.7.1976 í Foula, Hetland. Druknað á línu á Føroya Banka 28.4.2004.

Mynd: Svanar 2003 foto 1759.

Um miðjan november 2003 komu 3 hungraðir svanaungar til Vatnsoyrar. Hetta vóru 3 syskin, sum vóru ringmerkt á Mývatni (Ísland) tann 16. oktober í 2003.

Fleiri ringdu til mín og søgdu frá hesum svanunum, og við stuðli frá heimafólkunum fingu fólk frá Skógrøkt fanga svananar. Teir fingu heiluvág og mat; men tann eini doyði longu dagin eftir. Hinir báðir fingu ta bestu røktini, sum hugsast kann og broyttust frá ólukkudýrum til tveir flottar, stórar og snjóhvítar svanar; men sum øllum kunnugt var tann eini tíverri skotin av einum tápuligum ótanga í Viðarlundini tann 18.8.2004.