09.2004

RINGMERKINGARFRÁBOÐANIR

við Jens-Kjeld Jensen, fuglaútstappara, Nólsoy.

Gamal náti merktur 18.7.2003 í Eynhallow, Orkney. Fleygaður við Gomlu Rætt 22.4.2004.

Gamal náti merktur 7.9.2002 í Viðareiði. Fleygaður aftur sama stað 1.6.2004.

Gamal náti merktur 8.9.2002 í Viðareiði. Fleygaður aftur sama stað 1.6.2004.

Gamal náti merktur 7.9.2002 í Viðareiði. Fleygaður eystan úr Fugloy 12.2.2004.

Gamal náti merktur 15.10.2002 í ein landssynning úr Svínoy. Fráboðaður norðan úr Kalsoy 3.3.2004.

Gamal náti merktur 7.9.2002 í Viðareiði. Skotin Suðuri í Dølum, Nólsoy, 13.3.2004.

Gamal náti merktur 3.10.1999 10 míl norðan úr Fugloy. Fráboðaður 4 míl sunnan úr Svínoy 10.4.2004.

Gamal náti merktur 21.9.2001 í Viðareiði. Fleygaður aftur sama stað 26.4.2004.

Gamal náti merktur 28.8.2003 vestan úr Suðuroy. Fleygaður nær Fámjin 28.4.2004.

Myndir: Jens-Kjeld Jensen

Myndatekstur: sjá tekstin undir myndunum.

Ringmerking í Mykinesi í 2004.

Poul Johannes Simonsen og eg hava ofta tosað um, at okkurt meira átti at verið gjørt við at ringmerkja tann fuglin, sum verður fangaður ella skotin. Á henda hátt kundi mann hildið eyga við stovnin og møguliga rópt varskó, skuldi stovnurin eitt nú verið í niðurgongd. Tískil samdust vit báðir í at byrja at merkja nátaungar og gamlan náta komandi árini.

Nógv fólk hava luttikið; men flestu fuglarnar hava vit báðir sjálvir fangað og ringmerkt. Higartil eru tilsamans meira enn 8000 nátar ringmerktir.

Í ár gekk leiðin so til Mykinesar, har vit ætlaðu at ringmerkja í samfullar 5 dagar. Vegna mjørka fingu vit bert ringmerkt í 4 dagar – men hvørjir dagar! Vit ringmerktu tilsamans 2463 gamlar nátar, og kiptu haraftrat um 50, sum vit nýttu sum lokkifugl og síðani ótu, tá vit góvust at ringmerkja.

Tann besta dagin byrjaðu vit at ringmerkja longu kl. 9, og tá vit fóru til hús kl. 18.00, hevði Poul Johannes fleygað og eg ringmerkt 1225 gamlar nátar.

Eg havi ongantíð enn hoyrt um nakran, sum hevur megnað at fleygað so nógvar nátar í ein dag; men kennir nakar annar til eitt tílíkt bragd, hoyri eg fegin frá viðkomandi!

Tað er væl ikki neyðugt at greiða frá, at vit svóvu gott aftan á ein tílíkan dag...