15.2003

RINGMERKINGARFRÁBOÐANIR

við Jens-Kjeld Jensen, fuglaútstappara, Nólsoy.

Drunnhvíti merktur 9.8.1997 í Ness of Duncansby, Scotland. Fráboðaður aftur frá Suðuri í Dølum, Nólsoy 7.7.2003.

Drunnhviti merktur 7.8.2002, Tullagh Point, Donegal, Eire. Fráboðaður aftur frá Suðuri í Dølum, Nólsoy 11.7.2003.

Ompil merktur 28.8.1996 á Flatadranga, Mykines. Skotin sunnan úr Borðuni um tann 15.5.2002.

Ompil merktur 27.7.2002, Great Saltee Island, Wexford, Eire. Skotin 70 míl eystan úr Fugloy 16.7.2003.

Gamal náti merktur 3.10.1999 á leiðini um 10 míl norðan úr Fugloy. Fleygaður á Svínoyarfirði 25.8.2003.

Tjaldur merkt 13.10.2001, Waterfoot, Dumfries & Galloway, Scotland. Funnið deytt við Kolbeinagjógv 7.7.2003.

Skúgvapisa merkt 10.7.1976, Hermaness, Unst, Shetland. Skotin í Føroyum um ár 1990.

Lomvigarpisa merkt 28.6.2002, Sumburgh, Shetland. Skotin í Gøtuvík 18.12.2002.

Mynd: Leyvljómari

Myndatakari: Jens-Kjeld Jensen.

Film 0036 og foto nr. 1167.

Tekstur til mynd: Tann 19. mai í ár vórðu 6 leyvljómarir fangaðir í helgolandsrúsuni í Nólsoy, sum allir blivu merktir. Tað er annars ongantíð áður komið fyri, at meira enn hægst 2 leyvljómarir eru fangaðir sama dag.

Ein av hesum 6 leyvljómarunum var síðani fangaður og fráboðaður aftur longu 6 dagar seinni úr Fair Isle, Shetland.

Hetta er aðru ferð, at ein føroyskt merktur leyvljómari er funnin aftur uttan fyri Føroyar. Tann fyrri var somuleiðis merktur í helgolandsrúsuni í Nólsoy 7.9.1996, og var fráboðaður aftur tann 14.9.1996 úr Worthing, Sussex í Suðuronglandi.