08.2003

KONGSFIRVALDUR Agrius convolvuli.

við Jens-Kjeld Jensen, fuglaútstappara, Nólsoy.

Síðani 13. august, tá Maria Jensen á Argjum fangaði ein kongsfirvald, eru minst 17 kongsfirvaldar funnir aftrat.

Umframt hesa sjáldsomu innrásina, eru 2 aðrir sera sjáldsamir firvaldar av sama slag funnir aftrat. Hann hevur ikki nakað føroyskt navn; men fyribils havi eg valt at kalla hann “stríputur drotningarfirvaldur”.

Kongsfirvaldur hevur eitt flog, sum fevnir umleið 12 cm., og teir sum koma higar, hava antin flogið tann langa teinin úr Suðurspania ella Norðurafrika. Tí er tað einki at siga til, at veingirnir kunnu slítast nógv henda langa flúgvitúrin, eins og á hesum á myndini, sum var fangaður av Agnas Torsteinsdóttir Olsen í Skálavík.

Kongsfirvaldur livir av nektar, sum hann fær fatur á soleiðis: "Á surrandi veingjum hongur hann eins og kolibri, í leysari luft framman fyri blómuni og letur 10 cm langa sevil sín glíða niður í 10 cm djúpar hunangskalikar".

Tað finnast fleiri sløg av hesum stóra firvaldinum, so tað er sera umráðandi, at fólk geva honum gætur og boða frá, um tey finna ein. Síðani kunnu serkøn, ið kenna mun á sløgunum, fáa teir skrásettar.