11.2002

RINGMERKINGARFRÁBOÐANIR

við Jens-Kjeld Jensen, fuglaútstappara, Nólsoy.

Kjógvi merktur 30.6.1995 í Søltuvík. Fráboðaður úr sama stað 12.6.02.

Kjógvi merktur 15.6.1987 í Sandvík. Fráboðaður úr sama stað 4.6.02.

Drunnhvíti merktur 18.8.2001 Norðuri á Boða í Nólsoy. Fráboðaður úr Ponta de Almadena, Faro, Algarve, Portugal 3.7.02.

Drunnhvíti merktur 19.8.1990 Norðuri á Boða í Nólsoy. Fráboðaður frá Suðuri í Dølum, Nólsoy 15.7.02.

Skúgvapisa merkt 25.6.1992 í Svínaskoradali, Saksun. Funnin skotin í Rygsvíkshaga, Vágur 29.6.02.

Likkuskuri merktur 9.7.1988 í Nólsoy. Skotin í Kollfjarðardali 24.6.02.

Likkuskuri merktur 24.7.1996 í Nólsoy. Fráboðaður úr Porkeri 6.8.02.

Líri merktur í Urðini í Nólsoy 14.9.1993. Fráboðaður úr sama stað 11.9.02.

Lundi merktur á Stórhöfði, Heimaey, Vestmannaeyjar. Fleygaður í Urðini í Nólsoy 10.7.02.

Fiskimásaskuri merktur 30.6.2002 í Klaksvík. Skotin í Nólsoy 12.10.02.

Mynd: Gamal náti.

Myndatakari: Thomas Grüner.

26. mai í ár fleygaði ein av manningini um borð á Skarvi ein gamlan ringmerktan náta. Hendan nátan hevði George Dunnet merkt sum unga tann 7. august í 1963 á oynni Eynhallow í Orkneyoyggjunum, so hesin nátin bleiv næstan 39 ára gamal.

Longu í 1951 byrjaði George Dunnet, professari, at ringmerkja gamlar nátar við litringum, meðan teir bøldu á oynni Eynhallow. Hetta helt han framm við í mong ár, og úrkoman hevur verið sera áhugaverd. Ein av teimum var ein bøga, sum hann merkti í 1951, og sum hann tá metti at verða minst 7 ára gamla. Í 1996 var hon í minsta lagið 52 ára gomul, og tá var hon hesi árini vorðin mamma til íalt 21 floygdar ungar, so tað er ikki so lítið.