06.2002

RINGMERKINGARFRÁBOÐANIR

við Jens-Kjeld Jensen, fuglaútstappara, Nólsoy.

Lomvigarpisa merkt 30.6.1985 á Shiant Islands, Hebridirnar. Skotin 30 míl eystan úr Nólsoynni 4.10.2001.

Lomvigarpisa merkt 26.6.1998 á Fair Isle. Skotin eystan úr Nólsoynni 20.10.2001.

Gamalt tjaldur merkt 21.12.1998, Whiteness Head, Nairn, Scotland. Tjaldrið var yvirkoyrt í Vestmanna 30.6.2001.

Ungt tjaldur merkt 5.10.1997, Llanfairfechan, Gwynedd, Wales. Funnið deytt í hafti í Elduvík 01.8.2001.

Gamalt tjaldur merkt 20.2.2000, Whiteford Point, Glamorgan, Wales. Funnið deytt í Skúvoy 10.6.2001.

Likkuskuri merktur 15.7.1992 í Sørvági. Fráboðaður úr Ericeira, Estremadura, Portugal 30.11.2001.

Drunnhvíti merktur 10.8.1990 norðuri á Boða, Nólsoy. Drunnhvítin var fangaður livandi og fráboðaður úr Eilean nan Ron, Sutherland, Scotland 20.7.2001.

Álkupisa merkt 27.7.1996 á Grímsey, Ísland. Skotin nær við Fugloy 18.12.2001.

Gamal lundi merktur 20.6.1983 á Fair Isle. Skotin norðuri á Rivtanga, Eysturoy 15.12.2001.

Ritupisa merkt 28.7.1979 á Kanebogholmene, Tromsø, Norge. Ritan var fangað livandi og fráboðað í ein landsynning úr Svínoy 28.11.2001.

Ritupisa merkt 30.6.1981 í Halten, Frøya, Sør-Trøndelag, Norge. Fleygað í ein útnyrðing úr Mykinesi 16.11.2001.

Mynd: J-K.J.

Myndatekstur: Sofus Eide, Nólsoy, við einum líra.

Tann 22 maj 1957 var ein gamal skrápi ringmerktur í reiðrinum á Bardsey Island. Síðani tá er ringurin hjá hesum skrápanum skiftur út við ein nýggjan, tí tann gamli var so slitin og illa farin av elli. Í apríl í ár (2002) var ringurin so eftirkannaður enn einaferð.

Man roknar við, at skrápur verpur á fyrsta sinni, tá hann er minst 6 ára gamal, tað vil so siga, at hesin skrápurin er minst 51 ára gamal.

Vit hava eisini eitt annað dømi um ein gamlan fugl úr Amerika. Tað er ein Laysan albatrossur, sum var ringmerktur, meðan hann lá og bøldi á reiðrinum í 1956. Síðani tá, er ringurin hjá hesum albatrossinum 5 ferðirnar útskiftur við ein nýggjan. Laysan albatrossur er minst 5 ára gamal, tá hann verpur fyrstu ferð, so hesin umrøddi er minst 51 ára gamal. Albatrossurin var fráboðaður aftur í ár (2002), og tá hevði hann 1 unga...