05.2001

RINGMERKINGARFRÁBOÐANIR

við Jens-Kjeld Jensen, fuglaútstappara, Nólsoy.

Lomvigapisa merkt 1.7.2000 á Isle of Canna, Skotland. Skotin á leið við Trælanípuna, Vágar 11.1.2001.

Lomvigapisa merkt 2.7.2000 á Isle of Canna, Skotland. Skotin í Vestmannasundi 11.11.2000.

Lomvigapisa merkt 2.7.2000 á Isle of Canna, Skotland. Skotin í Pollinum, Klaksvík 16.12.2000.

Lomvigapisa merkt 3.7.2000 á Isle of Canna, Skotland. Skotin á Tangafirðinum 14.11.2000.

Lomvigapisa merkt 3.7.2000 á Isle of Canna, Skotland. Skotin eystan úr Skálhøvða, Sandoy 24.11.2000.

Lomvigapisa merkt 25.6.2000 nær Helmsdale, Skotland. Skotin nær Borðina í Nólsoy 2.11.2000.

Lomvigapisa merkt 3.7.2000 á Isle of Canna, Skotland. Skotin í Vestmannasundi 3.11.2000.

Lomvigapisa merkt 22.6.1995 á Fair Isle, Skotland. Skotin eystan úr Nólsoy 13.10.2000.

Lomvigapisa merkt 24.1999 á Fair Isle, Skotland. Skotin á leiðini við Mýling 23.10.1999.

Gamal grágásarsteggi merktur 22.7.1998 í Hrærekslækur, Hróarstunga, Ísland. Funnin deyður, fastur í einum hegni, í Tórshavn 18.12.1999.

Gomul likka merkt 11.11.1996 nær Hempsted, Cloucester, England. Funnin deyð í Vestmanna 7.10.2000.

Ungt tjaldur merkt 24.9.1972 í Gibraltar Point, Lincolnshire, England. Funnið deytt í hafti í Fámjin 15.8.2000.

Tekstur til mynd: Nólsoyardiddur, sum hava funnið eina diddaraka vangagráa lomvigapisu.

Mynd: Jens-Kjeld Jensen.

Sum sæst av fráboðanunum, hava vit aftur í vetur havt vitjan av skotskum lomvigapisum. Samstundis bendir alt eisini á, at so mikið sum eini 90% av lomvigunum, sum verða skotnar á vetri, er vetrargamal fuglar. Tað er altíð best at veiða ungfuglin í einum stovni - og so smakkar hann eisini nógv betri!

Tað eru ymiskar meiningar um, hvussu nógv bretski lomvigastovnurin er nørdur hesi seinru árini, men nú ein dagin las eg hetta: Miðskeiðis í fýrsunum taldi samlaði lomvigastovnurin í Ongland, Skotlandi, Wales og Írlandi tilsamans 586602 fuglar. Nú er sami stovnurin vaksin til 723407 lomvigar, hetta er ein øking við 23% í 15 år !