07.2000

RINGMERKINGARFRÁBOÐANIR

við Jens-Kjeld Jensen, fuglaútstappara, Nólsoy.

Lomvigarpisa merkt 26.6.1999 nær Sumburgh, Hetland. Skotin í Vestmannasundi 13.11.1999.

Lomvigarpisa merkt 2.6.1999 í Sumburgh, Hetland. Skotin í Lambavík 18.1.2000.

Ompil merktur 5.9.1998 á Mykineshólmi. Funnin deyður í Penestin, Morbihan, Frankaríki 17.10.1999.

Ompil merktur 6.9.1991 á Mykineshólmi. Funnin deyður nær Bouznika, Benslimane, Marokko 3.1.1993.

Ompil merktur 3.9.1993 á Flatadrangi, Mykines. Fleygaður sunnan úr Mykineshólmi 14.4.2000.

Ungur kvørkveggjusteggi merktur 11.11.1996 í helgolandsrúsuni í Nólsoy. Fráboðaður sama stað 30.3.2000.

Gamal lomvigi merktur 24.6.1984 á Fair Isle, Hetland. Skotin í Lambavík 18.1.2000.

Lomvigarpisa merkt 7.7.1996 á Isle of Canna, Skotland. Skotin á Pollinum í Fuglafirði 12.1.2000.

Ungur svani merktur 23.4.1998 i Tórshavn. Funnin deyður nær Templeboy Co. Sligo, Írland 21.2.2000.

Nátungi merktur 2.9.1995 sunnan úr Svínoynni. Fleygaður nær Múla 2.7.1999.

Mynd: Ompil

Myndatakari: Jens-Kjeld Jensen

Tey árini, farið verður eftir grásúlu í Mykineshólmi, taka menn í meðal 500 grásúlur. Samstundis verða umleið 50 - 100 omplar ringmerktir.

Eitt úrslit av hesari ringmerking vísir, at tá grásulurnar fara úr Mykineshólmi, so fara tær suður móti Marokko og at tær tvey tey fyrstu árini halda til á leiðini millum Frankaríki og Marokko. So gongur leiðin aftur móti Føroyum.

Í Íslandi telur súlustovnurin umleið 25.000 verpingarpør í 6 ymiskum bølum. Men íslendingar taka bert grásúlu á Vestmannaoyggjunum, eini 800 á hvørjum ári.

Í Føroyum eru umleið 2000 verpingarpør, og helst er stovnurin í framgongd.

Elsta súlan vitan er um, var ringmerkt sum ompil á Bass Rock og doyði meira enn 37 ár seinni - tann 1. des. 1998 í Orkneyoyggjum.