01.2000

RINGMERKINGARFRÁBOÐANIR

við Jens-Kjeld Jensen, fuglaútstappara, Nólsoy.

Ritupisa merkt 15.7.1984 í Núpskatla, Melrakkaslétta, Ísland. Fráboðað av einum, ið stóð á seiðabergi á Toftum 15.7.1999.

Svanaungi merktur 4.8.1995 á Langamýri, Vallhólmur, Ísland. Funnin deyður í Hvalba 15.7.1999.

Tjaldur merkt 16.8.1996 í Waterfoot, Annan, Skotland. Beinið av tjaldrinum við ringinum á varð funnið í Elduvík 5.6.1999.

Tjaldur merkt 28.1.1997 Dawlish Warren, Exe, Devon, England. Tjaldrið varð skotið á flogvøllinum í Sørvági 1.8.1998.

Eitt 1 ára gamalt tjaldur varð ringmerkt 22.2.1997 í Ogwen Estuary, Gwynedd, Wales. Hetta tjaldrið var loyst úr hafti á Velbastað 1.7.1999.

Tjaldur merkt 6.2.1988 í Greencastle, Belfast, Norðurírland. Varð funnið sjúkt í Skálavík 14.8.1999.

Lomvigarpisa merkt 30.6.1998 í Sumburgh, Hetlandi. Skotin nær Borðoyarnesi, Borðoy 6.1.1999.

Lomvigarpisa merkt 29.6.1997 á Fair Isle, Skotland. Ringurin varð funnin á kajini í Skálavík 10.3.1999.

Lomvigarpisa merkt 16.6.1998 í Ceann Ousdale, Skotland. Skotin í Vestmannasundi 15.1.1999.

Lomvigarpisa merkt 22.6.1998 á Fair Isle, Skotland. Skotin nær Porkerisnes 7.12.1998.

Nátungi merktur 25.8.1992 nær Svínoy. Fleygaður á Bispinum í Fugloy 10.6.1999.

Gamal náti merktur 4.9.1993 nær Svínoy. Fleygaður í Eysturhøvði, Svínoy 24.4.1999.

Nátungi merktur 25.7.1994 á Rona, Hebridirnar. Fleygaður í Mykinesi 8.3.1999.

Nátungi merktur 6.8.1994 á Eday, Orkneyoyggjar. Fleygaður í Nólsoy 3.4.1999.

Nátungi merktur 31.7.1995 í Brindistrer, Hetland. Fleygaður nær Skálavík 6.4.1999.

Mynd: Jens-Kjeld við einum sjúkum knubbasvani, sum varð røktaður av starvsfólkum hjá Skógrøkt Landsins.

Myndatakari: Marita Gulklett.

At íslendskir svanir, ið ferðast framvið Føroyum á vári og á heysti, steðga her nakrar dagar, er nærum kallað blivið ein skikkur. Ofta eru tað teir svananir, ið eru ringast fyri og ússaligir á onkran hátt, sum so dvølja her í longri tíð.

Av teimum 4 svanasløgunum, ið vit áttu at kunna sæð á okkara leiðum, hava vit bert skrásett teir stóru svananir; óknin við tí gula og svarta nevinum, sum er vanligur gestur her á landi - og so knubbasvanurin við tí reyða nevinum og tí svarta knubbanum omaná, og sum bert er sæddur her hendinga ferð. Teir báðu minni svananir við ávikavíst gulum og svørtum nevi, eru aldri skrásettir í Føroyum.

Seinasta heyst fingu vit annars fleiri fráboðanir um tvinnar knubbasvanir - tað eru teir, ið hava appelsinreytt nev - sum flugu norðanfjørðs saman við einum unga. Um nakar skuldi haft verið so heppin at hava tikið onkra mynd av hesi svanafamiljuni, vildi eg sera fegin sæð myndina, so vit kundu skrásett hesa vitjanina.