04.1998

 

LUNDAFRÁBOÐANIR Í 1998.

 

við Jens-Kjeld Jensen, fuglaútstappara, Nólsoy.

 

Pisa merkt t. 15.8.1993 í Hattarvík. Fleygað t. 15.7.1996 í Urðini á Eystfelli, Hattarvík
Pisa merkt t. 6.8.1994 í  Hattarvík. Fleygað t. 25.6.1998 í Hattarvík.

Pisa merkt t. 6.8.1994 í Hattarvík. Fleygað t. 25.6.1998 í Hattarvík. Jú, tvinnir lundar merktir samstundis á sama stað, og fleygaðir 4 ár seinni samstundis á sama stað er rætt.

Pisa merkt t. 6.8. 1994 í Hattarvík. Fleygað t. 24.7.1998 í Múlabakkanum, Hattarvík.

Pisa merkt t. 6.8.1994 í Hattarvík. Fleygað t. 27.6.1998 í Seyðtorvu.

Pise merkt t. 6.8.1994 í Hattarvík. Fleygað t. 7.8.1998 í Múlabakkanum, Hattarvík.

Pisa merkt t. 15.8.1995 í Hattarvík. Fleygað t. 4.7.1998 í Hattarvík.

Pisa merkt t. 15.8.1995 í Hattarvík. Fleygað t. 17.7.1998 í  Hattarvík.

Pisa merkt t. 15.8.1995 í Hattarvík. Fleygað t. 24.7.98 í Múlabakkanum, Hattarvík.

Pisa merkt t. 25.7.1994 í Seyðtorvu. Fleygað t. 23.6.1998 í Seyðtorvu.

Pisa merkt t. 25.7.1994 í Seyðtorvu. Fleygað t. 27.6.1998 í Seyðtorvu.

Pisa merkt t. 7.8.1995 í Skúvoy. Fleygað t. 29.7.1998 í Nólsoy.

Pisa merkt t. 7.8.1995 í Skúvoy. Fleygað t. 7.8.1998 í Hestoy.

Pisa merkt t. 19.8.1995 í Borðtorvu, Bø. Eftirkannað t. 24.7.1998 í Mykinesi.

Pisa merkt t. 8.6.1994 í Kollaurðini, Tindhólmur. Drigin umleið tann 15.6.1997 í Tindhólmi.

Gamal lundi merktur t. 3.8.1990 í Tindhólmi. Fleygaður t. 20.7.1998 í Mykinesi.

Gamal lundi merktur t. 2.7.1992 í Mykinesi. Fleygaður umleið 15.7.1995 í Mykinesi.

Gamal lundi merktur t. 25.8.1992 í Mykinesi. Fleygaður t. 21.7.1998 í Mykinesi.

Gamal lundi merktur t. 24.8.1992 í Mykines. Fleygaður t. 17.7.1998 í Mykinesi.

Gamal lundi merktur t. 19.8.1992 í Mykinesi. Fleygaður t. 15.7. 1998 í Mykinesi.

Pisa merkt t. 19.8.1994 í Mykinesi. Fleygað t. 5.8.1998 í Mykinesi.

Pisa merkt t. 19.8.1994 í Mykinesi. Fleygað t. 3.7.1998 í Mykinesi.

Pisa merkt t. 19.8.1994 í Mykinesi. Fleygað t. 16.7.1998 í Mykinesi.

Pisa merkt t. 14.8.1995 í Mykinesi. Fráboðað t. 11.7.1998 úr Mykinesi.

Pisa merkt t. 12.8.1996 í Mykinesi. Fleygað t. 24.7.1998 í Mykinesi.

Gamal lundi merktur t. 19.8.1996 í Stórhöfði, Vestmannaeyjar. Fleygaður t. 20.7.1997 í Lamba í Mykinesi.

Gamal lundi merktur t. 16.6.1996 á Sule Skerry. Fleygaður t. 22.7.1998 í Nólsoy.

_______________________

 

Tá tosað verður um heimføðingar, hugsi eg vanliga sjáldan um fugl, men tá eg skrivaði hesa greinina um fráboðaðan lunda, rann mær í hug hetta eyknevni, sum so sera væl hóskar til teir 22 av lundunum í hesi greinini. Bert ein av teimum 9 lundapisunum, ið vóru merktar í Hattarvík, var fleygað á eini aðrari oyggj - í Seyðtorvu, ið sum kunnugt liggur næst Fugloynni.

Skúvoyarlundin er heldur lættari á flognum, men fer helst ikki langt frá hvar hann er klaktur. Eingin ringmerktur lundi er fráboðaður úr Skúvoy í summar.

Tað sigur seg sjálvt, at fleygamenninir hava eina sera stóra ábyrgd, tá tað ræður um at røkja lundalandið. Verður meira fleygað enn "teirra" lundastovnur kann bera, minkar lundastovnurin samsvarandi, so her hava fleygamenninir eina stóra ábyrgd. Her ber ikki til at siga sum fiskimaðurin - at fiskur hevur stert, og hann kann svimja úr einum øki í annað, tí hóast lundin sum kunnugt hevur tvinnar veingir at flúgva við, merkir tað ikki, at hann flytur millum stovnarnar ella bølini. Fráboðaninar vísa greitt, at hvør lundi, ið verður fleygaður, hoyrir til tað staðið ella tann lundastovnin, hvar fleygamaðurin situr við stongini. So um tað til dømis nú gongst illa við lundapisunum í Mykinesi, ber ikki til framhaldandi at sita og fleyga ár aftan á ár úti í Mikinesi, og so koma við tí grundgevingini, at fleygað verður eitt nú av yvirskotinum í Hattarvík, tí hóast tann stovnurin kann verða ivaleysa stórur, so flýgur lundin úr Hattarvík ikki til Mykinesar mitt í verpingartíðini fyri at verða fleygaður!!!

Í Mykinesi var tað soleiðis í ár, at helmingurin av teimum fleygaðu ringmerktu lundunum var gamal verpingarfuglur, hvørs pisa helst frammanundan hevur verið deyð í hungri.

Fráboðaninar úr Mykinesi prógva tíverri eisini greitt, at so hvørt sum lundapisan doyr, ja so byrjar foreldrafuglurin at flúgva í lundaringinum saman við teimum ungu fleygalundunum. Á henda hátt verður verpingarlundin fleygaður saman við teimum ungu lundunum, uttan at nakar leggur tað til merkis. Hvaðna minni hevur nakar ábyrgd av tí. Hetta er ein sera óheppin ringrás, ið kann endurtaka seg ár undan ári, alt eftir hvussu pisan kemur undan, og kann enda við einari javnari stovnsminking, ið eingin varnast, áðrenn heilt galið steindur til.

Vit vita øll, at skeivt er at veiða av nøkrum, har stovnurin ikki megnar at seta nýtt við, og tá talan er um lundan, ið sum kunnugt verður fleygaður kring alt landið, eiga vit at gera okkurt beinanvegin, ella má lundin heildarfriðast alla staðni áðrenn vit vita av, vegna eina fúkandi niðurgongd í stovninum.

Ikki tí - eingin munur er á fugli og seyði. Verður lambið dripið saman við ærini á heysti, so minkar seyðatalið sjálvandi samsvarandi. Men, eingin vildi verið so býttur at dripið bæði lamb og móðir og so samstundis tosa um, hvussu skurðurin man fara at hilnast komandi árið - ella hvussu?

Vit mugu halda aftur við at fleyga, tey árini tá pisan ikki kemur undan, og annars geva henni størri ans. Og øll fleyging eigur at enda í seinasta lagið 7. august á hvørjum ári, tí tá er pisan vanliga floygd, og tá byrjar so foreldrafuglurin at flúgva í lundaringinum saman við teimum 3-4 ára gomlu lundunum. Um øll fleyging endar seinast 7. august, verður verpingarlundin vardur. Tey fólk, sum duga sær hógv og hava ábyrgd av lundalandinum kring landið, hava sjálvandi ein góðan møguleika at verja um lundastovnin bert við at  nýta "Grannastevnulógina",  tí sjálvandi skal lundastovnurin røkjast og gagnnýtast.

 

Tekstur til myndina: Sildberi

Myndatakari: Thomas Grüner.